دهانات والوان الاثاث

كتير كتير مننا عاوزين قبل ميبدوا فى فرش الغرفة ودهان الشقة يستقروا على دهان والوان الاثاث وهنا نبذه مختصرة عن الالوان والجديد فى عالم الاثاث انواع دهانات الاثاث و ما عليك الاختيار وعلينا التنفيذ

اولا الدهان اللاكية

هو بيكون بيج او ابيض ومطعم بالدهب والجديد مطعم بالفضى واللاكية معروف من سنيين ومازال يعد من الالوان الثابته التى لا تتغير ويستخدم الان فى دهانت الغرف الاطفال المودرن فقط لانو بيستحمل الاطفال

ثانيا الدهان الاستر

الاستر هو الوان بنى وانبيتى وكمونى وكل الالوان دى كانت بتتدهن بالشاشة والقطنه وكان لامعه لانها بتعتمد على الورنيش اللى بيوضع فى اخر طبقة وده كان من زمااااااااااااااااااان واتمنع بحكم من الوقت والسعر لانو بياخد مجهود كثيرا وياريته يرجع لانه كان دهان امن وكان بيجبر كل استرجى على عملية الصنفرة والخدمة المهمة جدا فى عملية الدهان

ثالثا الدهان البوليستر

البوليستر اللامع وظهر من عشر سنوات ومازال موجود ولكن بدا يقل الطلب عليه لظهور البوليستر المط وهو الان متربع على عرش الدهانات لانه بيوفر كل الالوان تقريبا الفاتح منها والغامق ويعد من اسهل  الدهانات لسهولة تنظيفة بالماء فقط او برتش للاثاث وهو متوفر فى صيدليات

رابعا الدهان الدوكو

وهو الدهان المتوافر فى الانتريهات والغرف الشعبية وان كان قد بدا فى التطوير الا انه غير مفضل لان اى جرح فيه يصعب علاجة

خامسا واخير لصق ورق الذهب

الخامات هى رقائق ورق الذهب أو الفضة و منه ورق الذهب الفينو الفرنساوى الذى بيلغ سمكه 0.001مم و منه الذهبى الفاتح ومنه الذهب المحمر الذى يميل لونه الى النحاس الاحمر و يباع على شكل دفاتر وتكون القطعة داخل الدفتر مقاس 87×87مم و يكون بالدفتر 20ورقة